Lars Korff Lofthus - ATTRÅ
Boklansering 26. november kl. 18 på LNM i Oslo,
med Lars Korff Lofthus og vår skribent og redaktør Cecilie Almberg Størkson!
Book launch November 26th at 6pm at LNM in Oslo,
with Lars Korff Lofthus and our writer and editor Cecilie Almberg Størkson!
> International shipping! online at Tekstallmeningen here (link).
(choose English language at the top of page).
Lars Korff Lofthus - ATTRÅ
Artist’s Monograph. 30,5 x 23 cm. Hardcover. First Edition (500). 128 pages. Paper: Bravia Gloss. Printing: DZA Druckerei zu Altenburg Gmb. Designer: Øystein Aarbo Studio. Editor: Cecilie Almberg Størkson. Texts: Merete Jonvik, Bjørn Hatterud, Lars Korff Lofthus, Cecilie Almberg Størkson. Photos: Bent René Synnevåg. Published by Entrée.Kr. 375
Billedkunst Live. Samtale med Geir Haraldseth og Lars Korff Lofthus ved Kristiansand Kunsthall.
Previous
launches:
Torsdag 3. oktober, Litteratursymposiet i Odda (link). Samtale med Merete Jonvik.
Lørdag 21. september, Agatunet (link). Samtale med Tora Sanden Døskeland.
Fredag 13. september, Tekstallmenningen (link). Samtale med Magne Julin Vik-Mo.
Fredag 23. august, Kristiansand Kunsthall (link). Samtale med Geir Haraldseth.
Online: Billedkunst Live (link).
Lars Korff Lofthus, Jeg bæres frem II 2024). Wood carving, acrylic, gold leaf and lacquer. 50 x 30 x 25 cm.
ATTRÅ er ei bok om kunstnarskapet til Lars Korff Lofthus, med fokus på maleri, skulptur og trykk frå dei siste fem åra. Boka, som er ein såkalla kunstnarmonografi, tilbyr ei intim fordjuping i ei bildeverd der vestlandsnatur, skeivt begjær og folkekunstuttrykk eksisterer side om side. I tillegg til tekstar skrivne av Merete Jonvik, Bjørn Hatterud og Lars Korff Lofthus sjølv, inneheld boka eit omfattande biletmateriale, med foto av Lofthus sin rikhaldige maleriproduksjon og bilete frå kunstnaren sitt studio og heimstaden hans i Hardanger. Boka tilbyr dessutan lesaren eit innsyn i prosessane bak arbeida, gjennom utklipp, bakgrunnsmateriale og skisser henta frå kunstnaren sitt arkiv. ATTRÅ er utgitt av Entrée, og utforma av designar Øystein Arbo. Bent René Synnevåg er fotograf, og Cecilie A. Størkson har vore redaktør for boka.
«Kunstnarskapet viser både fingeren til og klemmer tradisjonane. Humrar, kritiserer, kjæler og koser. Det løftar fram spørsmål som: Kva skil tradisjonar frå konvensjonar? Kva får plass i tradisjonane? Kor mykje kan dei bøyast og tøyast? Korff Lofthus brukar det tradisjonsrike og gir det nye fargar, design, kontekstar. Puttar noko nytt inn i noko eldre. Puttar seg sjølv inn i tradisjonen. For kunstnaren er òg ein karakter i sin eigen kunstnariske praksis, og slik er det kanskje for alle, men det er særskilt tydeleg hos Korff Lofthus gjennom måten han brukar den stadbundne praksisen til å finna ut korleis han kan vera den han er, der han er, saman med andre. Tematiserer identitet. Tematiserer begjær. Tematiserer det å høyra heime. Eller ikkje.
Identitet er knytt til kjensla av å kjenna seg heime – i sin eigen kropp, si eiga tid, på ein stad. Innanfor dette kan overskriding av grenser vera naudsynt, kjennast naudsynt – til og med livsnaudsynt. Alle må vi finna måtar å vera levande på som vi synst er passande. Finna ut korleis vi skal vera i verda. Ein del av dette handlar om å finna vårt eige språk. Vår eiga drakt vi kan gå i, som vi kjenner oss vel i. Det kan ta tid å finna denne, eller ikkje. Det kan vera problematisk, eller det kan gå føre seg utan nemneverdig bry for hjerne eller hjarte. Korff Lofthus sin praksis innbyr til å tenkja over at den siste vegen er den enklaste.»
- Merete Jonvik (utdrag frå essay)
I Lars Korff Lofthus (f. 1978) sine måleri, løyser det måleriske abstrakte og figurative seg opp i kvarandre. Han vil at det måleriske i seg sjølv skal kunne vise sensualitet, sårbarheit, overskot og risiko. Korff Lofthus leitar etter materiale i museumsarkiv, bøker og homoerotikk og forsøker å lage tablå der natur, begjær og tradisjon flyt saman i nye situasjonar. Han har ein brei utstillingspraksis og er i tillegg engasjert i skriving, formidling og kuratering. Arbeida hans er innkjøpt av mellom anna Nasjonalmuseet, KODE Kunstmuseer og komponisthjem, Oslo kommune og Equinor. Han delar tida og arbeidet sitt mellom Bergen, der han inntil nyleg var fyrsteamanuensis på Kunstakademiet – Institutt for samtidskunst ved Fakultet for kunst, musikk og design (KMD/UiB), og atelieret sitt i Hardanger. Soloutstillinga i Kristiansand Kunsthall er Lofthus si mest omfattande til no.
ATTRÅ er utgitt av Entrée. Boka er utforma av designar Øystein Arbo, Bent René Synnevåg er fotograf og Cecilie A. Størkson har vært redaktør.
Lars Korff Lofthus, Framskap (orange) (2023). Acrylic and pigment on canvas. 190 x 160 cm.
Lars Korff Lofthus, Framskap (blå) (2023). Acrylic and pigment on canvas. 190 x 160 cm.
Installation view, Lars Korff Lofthus, Jeg bæres frem til tørstig Mand at Kristiansand Kunsthall. All photos by Bent René Synnevåg.
Lars Korff Lofthus, Interiør (Rambergstova) (2024). Acrylic and pigment on canvas. 190 x 320 cm.
Lars Korff Lofthus - ATTRÅ
Artist’s Monograph. 30,5 x 23 cm. Hardcover. First Edition (500). 128 pages. Paper: Bravia Gloss. Printing: DZA Druckerei zu Altenburg Gmb. Designer: Øystein Aarbo Studio. Editor: Cecilie Almberg Størkson. Texts: Merete Jonvik, Bjørn Hatterud, Lars Korff Lofthus, Cecilie Almberg Størkson. Photos: Bent René Synnevåg. Published by Entrée.Kr. 375
(Order online Tekstallmenningen or contact entree.randi@gmail.com)